Online Job Fair Myanmar

အလုပ်လျှောက်တဲ့အခါ ပြင်ဆင်ရမည့်အချက်များ

17 April 2022

အလုပ်လျှောက်တဲ့အခါ ပြင်ဆင်ရမည့်အချက်များရေးပါရစေ .... #အင်တာဗျူးမဖြေဆိုမှီ ၁. CV Form ကိုသေချာပြင်ဆင်ပါ။ မိမိအားသာချက်ကိုပေါ်လွင်အောင်ရေးပါ။ရာထူးကြီးပါက ထောက်ခံသူ (Reference) ၃ဦး ပါဝင်ပါစေ..(ပညာရေးအတွက်ထောက်ခံသူတစ်ဦး၊အရင်အလုပ်မှအလုပ်နှင့်ပတ်သတ်ပြီးထောက်ခံသူတစ်ဦး၊ကုန်သည်တစ်ဦးမှထောက်ခံချက် (အရောင်းစျေးကွက်တာဝန်ဆိုရင်)ပါရင်ပိုကောင်းပါတယ်။ (အကောင်းဆုံး CV တစ်စောင်ဘယ်လိုရေးရမယ်ဆိုတာထပ်ရေးပါမယ်။) ၂. မိမိနှင့်ကိုက်ညီသောအလုပ်ကိုသာလျှောက်ပါ။ (အချို့ကအလုပ်လိုချင်ဇောနဲ့တွေ့သမျှလျှောက်တာကြောင့် အင်တာဗျူးမအောင်ရင်စိတ်ဓါတ်ကျနိုင်ပါတယ်။) ၃. CV. မှာပေးထားသောဖုန်းနံပတ်ကိုအမြဲဖွင့်ထားပါ။အားပါစေ။(အင်တာဗျူးခေါ်တဲ့အခါ ဖုန်းမအားလို့၊ဆက်မရလို့အခွင့်အရေးမလွတ်ပါစေနဲ့) ၄. အင်တာဗျူးခေါ်ပါက ခေါ်သည့်အလုပ်နှင့်ပတ်သတ်ပြီး(ကုမ္ပဏီ၊လုပ်ငန်း) ကြိုတင်လေ့လာပါ။(ဘာလုပ်ငန်းလဲ?၊ဘာတွေရောင်းတာလဲ?သိရှိသူများရှိပါကစုံစမ်းမေးမြန်းပါ။လေ့လာထားပါ။) ၅. အင်တာဗျူးမည့်နေရာကိုကြိုပြီးသွားကြည့်ပါ။ လေ့လာပါ။မိမိအိမ်မှသွားပါကအချိန်မည်မျှကြာနိုင်ကြောင်းကြိုပြီးလေ့လာပါ။(အင်တာဗျူးနေ့နောက်ကျတာ First Impressions ကျပါတယ်။) ၆. အင်တာဗျူးဖြေမည့်နေ့အားအင်ပြည့်စေရန် အိပ်ရေးဝဝအိပ်ပါ။ #ဖြေဆိုမည့်နေ့ပြင်ဆင်ရန် ၇. ဖြေဆိုမည့်နေ့ဝတ်စားဆင်ယဥ်တာအရေးကြီးပါတယ်။သပ်ရပ်ဖို့လိုပါတယ်။သန့်သန့်ရှင်းရှင်းဖြစ်ပါစေ။ အင်တာဗျူးမေးမည့်သူသည်အရင်ဆုံး Personality ကိုအရင်ဆုံးကြည့်မှာဖြစ်ပါတယ်။ ၈. အင်တာဗျူးဖြေမည့်ရုံးသို့ချိန်းဆိုထားသည့်အချိန်ထက် ၁၅မိနစ်ကြိုပြီးရောက်အောင်သွားပါ။ ၉. အင်တာဗျူးတွင်အမေးများသောမေးခွန်းမှာ က. အရင်အလုပ်မှာဘာတွေလုပ်ခဲ့သလဲ?ဘာတာဝန်ယူခဲ့သလဲ? (ဒါကမိမိရဲ့ Presentation Skill ကိုသိချင်တာ။ နောက်တစ်ခုကလုပ်ခဲ့တဲ့အလုပ်ကိုကြည့်ပြီး ကိုယ့်ကျွမ်းကျင်မှု့ (Skill)ကိုခန့်မှန်းတာဖြစ်ပါတယ်။ ခ. စျေးကွက်ထဲကဘယ်ကုန်သည်တွေသိလဲ?ပြိုင်ဘက်တွေကဘယ်သူတွေလဲ?စျေးကွက်အပေါ်ထင်မြင်ချက်များ (ဒါက ကိုယ့်ရဲ့ ဗဟုသုတ (Knowledge) ကိုမှန်းချင်လို့ မေးတာဖြစ်ပါတယ်။) ဂ. အရင်အလုပ်ကဘာလို့ထွက်ခဲ့တာလဲ? (ဒါက ကိုယ့်ရဲ့စိတ်သဘောထား(Attitude) ကိုမှန်းဆတာပါ။) အများစုက "က" နဲ့ "ခ" ကိုဖြေဆိုနိုင်ပြီး၊ "ဂ" မေးခွန်းမှာ "ကျ" တက်ပါတယ်။ အလုပ်ထွက်ခဲ့တဲ့အကြောင်းဖြေတာယုံကြည်ဖို့ခက်ခဲတာမျိုးတွေ့ရပြီး၊အချို့က ဒီမေးခွန်းမှာ အရင်အလုပ်က စီမံသူတွေအပေါ်မကောင်းကြောင်းပြောမိတာတွေတွေ့ရပါတယ်။ ဒါကမကောင်းပါဘူး။ #ဒါဆိုဘယ်လိုဖြေသင့်သလဲ? အမှန်တိုင်းပြောတာတော့အကောင်းဆုံးပါ။(အရင်လုပ်ခဲ့အလုပ်မကောင်းပြောတာမျိုးတော့ရှောင်ရပါမယ်) ဖြေဖို့ကောင်းတာက "တိုးတက်မှု့လိုချင်လို့" "စိန်ခေါ်မှု့အသစ်လိုချင်လို့" စတာတွေကကောင်းပါတယ်။ ၁၀. မေးတဲ့သူကမေးပြီးဘာပြောစရာရှိသေးလဲ?လို့မေးရင်အများစုက ရုံးပိတ်ရက်၊အလုပ်ချိန်တွေမေးတက်ပါတယ်။ အချို့က Ferry ရှိလားဆိုတာမျိုးမေးတက်ပါတယ်။ ဒီလိုမေးတာထက် "ဒီအလုပ်မှာကျွန်တော်ကြိုးစားရင်တက်လမ်းရှိလား?" ဆိုတာမျိုးနဲ့ "ဒီအလုပ်မှာသင်တန်းတွေပေးလား?" ဆိုတာမျိုးမေးသင့်ပါတယ်။ ဒါဆိုမေးမြန်းသူက အလုပ်ကြိုးစားမည့်သူ၊ တက်လမ်းရှာနေသူလို့ထင်ပါလိမ့်မယ်။ အမှတ်ရစေတဲ့မေးခွန်းတွေပါ။ ၁၁. အင်တာဗျူပြီးပါက အားလုံးကိုနှုတ်ဆက်ပါ။ "ကျွန်တော်ဒီအလုပ်မှာလုပ်ရမယ်လို့မျှော်လင့်ပါတယ်" "ကျွန်တော်ကိုလုပ်ခွင့်ပေးရင်အစွမ်းကုန်ကြိုးစားပါမယ်" လို့ပြောခဲ့ပါ။ (မိမိကိုအင်တာဗျူးသူများရဲ့ Business Card လေးရရင်ယူခဲ့ပါ။) #အင်တာဗျူးပြီးနောက် ၁၂. နောက်တစ်ရက်မှာ Business Card ထဲက email များ (သို့) ဖုန်းသို့ စာရေးပါ။ စာရေးရာတွင်မိမိကိုယ်ကိုပြန်မိတ်ဆက်ပါ။အင်တာဗျူးမှာ အမှတ်ရစရာရှိတာများရှိရင်သတိရအောင်ရေးပါ။(စာရှည်လို့မရပါ။တိုတိုနဲ့ထိမိပါစေ) အင်တာဗျူးပေးတဲ့ကျေးဇူးတင်ကြောင်းနဲ့ အလုပ်လုပ်ခွင့်ပေးရင်ပျော်ရွှင်မိမည့်အကြောင်းနှင့်ကြိုးစားလုပ်ကိုင်ချင်ကြောင်းရေးပါ) အင်တာဗျူးသူတွေက ဗျူးပြီးတဲ့ထဲက ၂ယောက်ကိုကြိုက်တယ်ဆိုပါစို့။ အဲဒီလို့ Message (သို့) စာရရင် အဲဒီ့သူ့ကိုရွေးချယ်တက်ပါတယ်။ အင်တာဗျူးတဲ့အခါ စိတ်တည်တည်ငြိမ်ငြိမ်ရှိပါစေ။ သိရင်သိတာဘဲဖြေပါ။မသိတာကိုမရွှီးပါနဲ့။ မေးတဲ့မေးခွန်းမရှင်းရင်ပြန်မေးပေးပါ။ အလုပ်လျှောက်တဲ့အခါ "CPSKA" ကိုသေချာပြင်ဆင်ပြီးလျှောက်ပါ။ C - CV P - Personality S - Skill K - Knowledge A - Attitude #CV ကိုသေချာပြင်ဆင်ပါ။ #Personality - ဆံပင်ကစပြီး၊ခြေထောက် (ဖိနပ်အထိ) သပ်ရပ်သန့်ရှင်းသေသပ်ပါစေ။ #Skill - မိမိကျွမ်းကျင်မှု့ကိုမေးမည့်မေးခွန်းများအတွက်ကြိုတင်ပြင်ဆင်ပါ။ #Knowledge - ကိုယ့်ကိုမေးမည့် လုပ်ငန်းနှင့်ဆက်စပ်သော ဗဟုသုတများဆိုင်ရာမေးခွန်းများနှင့်ပတ်သက်ပြီးသေချာပြင်ဆင်ပါ။ #Attitude - မိမိစိတ်နေသဘောထားနဲ့ပတ်သက်ပြီးမေးမည့်မေးခွန်းများကိုကြိုတင်ပြင်ဆင်ပါ။ အလုပ်အကိုင်များအဆင်ပြေကြပါစေ...

Comments

အလုပ်​လျှောက်တဲ့အခါ ပြင်ဆင်ရမည့်အချက်များ

Leave a Reply

အလုပ်လျှောက်တဲ့အခါ ပြင်ဆင်ရမည့်အချက်များ